गुगल सर्चले कसरी काम गर्छ ?

गुगलका सीईओ सुन्दर पिचईले ११ डिसेम्बरमा अमेरिकी संसदीय समितिले राखेका प्रश्नहरुको जवाफ दिएका छन् । गुगलले दक्षिणपन्थी नेताहरु माथि पक्षपात गरेको आरोप लागेपछि अमेरिकी संसदले उनलाई सोधपुछका लागि बोलाएको थियो ।

झण्डै साढे तीन घण्टा चलेको सोधपुछका क्रममा सीईओ पिचईसँग अनेक प्रश्नहरु राखिएका थिए । गुगल खोजलाई प्रभावित पार्न के कुनै व्यक्ति पर्दा पछाडिबाट काम गर्दछ ? भनेर उनलाई सोधिएको प्रश्न रोचक थियो ।

जवाफमा सुन्दर पिचईले सर्चको काम कम्प्युटरले गर्ने र यसमा कुनै पनि व्यक्तिको कुनै प्रकारको भूमिका नहुने स्पष्ट पारे । हामी हरेक दिन गुगलको उपयोग गर्दछौं तर गुगल सर्चले कसरी काम गर्दछ भनेर सायदै कसैलाई थाहा होस् ।

गुगलले यसरी गर्छ सर्च 
संसदमा पिचईले कम्पनीले म्यानुअल रुपमा सर्च नगरेर स्वचालित ढंगबाट काम गर्दै आएको दाबी गरे । कुनै पनि किवर्ड समावेश हुँदा गुगलले सबैभन्दा पहिले ‘क्रोलर’ को माध्यमबाट वेब स्क्यान गर्दछ । क्रोलरको भूमिका सर्चमा सबैभन्दा महत्वपूर्ण हुन्छ ।

क्रोलर भनेको के हो ?
क्रोलर्सलाई हामी सानो रोबोट जस्तै सम्झिन सक्छौं । जसले गुगललाई इन्टरनेटमा रहेका सबै वेबसाइट अथवा फाइलका बारेमा जानकारी दिन्छ । ति जानकारीहरुलाई उसले गुगलको सर्भरमा पठाउँछ ।

सर्चका बेला क्रोलर्स आफ्नो इंडेक्समा अर्बौ रजिस्टर्ड पेजहरुलाई स्क्यान गरेर त्यसका शीर्षक र जानकारीसँग मेल खाने पन्नाहरु, तस्बिरहरु अथवा अडियो–भिडियोेहरुको नजिताका रुपमा देखाउँछ ।

पेज र्याङ्क
यसपछि उसले प्राप्त नतिजाहरुलाई र्यांकिङ गरेर क्रमपद्ध रुपमा देखाउँछ । मोटामोटी रुपमा लोकप्रियता, प्रासंगिकता र प्रामाणिकताका आधारमा गुगल सर्च रिजल्ट देखाउँछ ।

गुगल पेज र्याङ्क नामको एक ट्रेडमार्क एल्गोरिदमको उपयोग गर्दछ । जसले प्रासंगिकताका आधारमा प्रत्येक वेबपेजलाई स्कोर दिन्छ । यो प्रासंगिकता, ताजगी, लोकप्रियता र अन्य मानिसहरुको उपयोगको आधारमा रिजल्ट देखाउँछ ।
यसै आधारमा सबैभन्दा उच्च र्यांङ्क भएको पेजलाई गुगल सर्चमा सबैभन्दा माथि देखाउँछ ।