दुर्घटना भएको स्थानमा बिश्वकर्मा बाबाको मन्दिर निर्माण गरिने

प्रकाशित मिति : मङ्लबार, पुस १०, २०७५

निलम ओली , दाङ । दुर्घटना भएको स्थान राम्रीमा बिश्वकर्मा बाबाको मन्दिर निर्माण गरिने भएको छ । तुल्सीपुर उपमहानगरपालिका ३ राम्रीमा बिश्वकर्मा बाबाको मन्दिर निर्माण गरिने भएको हो । २३ जनाको ज्यान जानेगरी ६ गते भएको दुर्घटनास्थलमा डिल डान्स एकेडेमी तुल्सीपुर दाङको सहयोगार्थ मन्दिर निर्माण गरिने भएको एकेडेमीका अध्यक्ष द्रोण प्रसाद आचार्यले बताउनु भयो ।

एकेडेमीको कोषमा रहेकोे केहि रकमबाट यही हप्ता देखि मन्दिर निर्माणकार्य सुरुवात गर्ने र कोहि सहयोगका लागि ईच्छुक भएमा ९८४७८६४ ८९१ मा सम्पर्क गरि सहयोग गर्न आचार्यले आग्रह गर्नुभएको छ । यसैगरी युवा ब्याबसायी तथा परियार सेवा समाज दाङका अध्यक्ष केशव नेपालीले मन्दिरको लागि एक हजार ईटा सहयोग गर्ने जलजलाखबरसंग बताउनुभयो ।

पटकपटक दुर्घटना भै ठुलो जनधनको यही स्थानमा भएकोले मृतआत्माको शान्ति र अब यो स्थानमा दुर्घटना रोकियोस भन्ने उद्देश्यले मन्दिर निर्माणकार्यको लागि आफुले शुरुआत गर्न थालेको आचार्यले बताउनुभयो । उक्त स्थानमा मन्दिर बनाउने कार्यमा जस्ले सहयोग गर्नुहुन्छ उहाँहरुको मन्दिरमाशिला नाम र रकम प्रष्ट खुलाउने उहाले बताउनुभयो ।

कृष्ण सेन ईच्छुक बहुप्राथमिक बिद्यालय पनौराको शिक्षक तथा विद्यार्थी चढेको गाडी शुक्रबार दुर्घटना भएको हो । सल्यानको मुलपानीबाट तुल्सीपुर तर्फ जाँदै गरेको बा ४ ख ९७६६ नम्बरको बस दुर्घटना हुँदा २३ जनाको मृत्यु भएको थियो भने १४ जना घाइते भएका थिए ।