यी ११ कुराहरुबाट तपाइँले थाहा पाउनुहुनेछ को हो तपाइँको वास्तविक ‘बेस्ट फ्रेण्ड’

एजेन्सी । के तपाइँलाई थाहा छ तपाइँका साथीहरुमध्ये तपाइँको ‘बेस्ट फ्रेण्ड’ को हो ? हामीले जीवनभरमा धेरै साथीहरु बनाउँछौं र उनीहरुको साथ सहयात्रामा जिन्दगी बिताउँछौं। तर हामीलाई ती साथीहरुमध्ये बेस्ट फ्रेण्ड को हो भन्ने चिन्न मुस्किल पर्छ। हामी तपाइँलाई यस्ता ११ कुराहरु बताउँदैछौं जसको जानकारीपछि तपाइँले आफ्नो बेस्ट फ्रेण्ड चिन्न सक्नुहुनेछ।

१. यी साथी हाम्रो जीवनमा स्थायी हुन्छन् । यी साथी सधैं हाम्रो नजिक हुन्छन् अन्य साथीहरु आउनेजाने भइरहन्छन् ।
२. बेस्ट फ्रेण्डले जब हामी दुःखी हुन्छौं त्यतिबेला हामीलाई खुसी अनुभूति गराउन खोज्छ । यसका लागि उसले कुराको प्रसंग नै फेर्न सक्छन् ।
३. ऊ तपाइँको अर्थ न बर्थका कुराहरु पनि सहजै पचाउन सक्छ र तपाइँका उट्पटाङ कुराहरुका बीच पनि आफूलाई सहज राख्छ ।
४. ऊसँग तपाइँसँग सम्बन्धित हरेक कुराको चाबी हुन्छ । तपाइँको घरको चाबी वा तपाइँको सामाजिक संजाल एकाउण्टको पासवर्डसमेत ऊसँग हुन सक्छ ।
५. तपाइँ ऊमाथि हरेक समय निर्भर रहनुहुन्छ । सानो सानो कुरामा उसको सहयोग र सल्लाह तपाइँलाई चाहिन्छ ।

६. तपाइँ ऊसँग आफ्नो जीवनमा घटेका सबै घटनाहरु शेयर गर्नुहुन्छ ।
७. तपाइँ ऊसँग ती सबै कुरा शेयर गर्नुहुन्छ जो तपाइँ बिहेका बेला गर्न चाहनुहुन्छ ।
८. उसलाई तपाइँको जीवनका सबै गोप्य कुराहरु थाहा हुन्छ ।
९. तपाइँ त्यो साथीसँग आफू राम्रो देखिँदा पनि भद्दा देखिँदा पनि सबै अवस्थामा सहज महसुस गर्नुहुन्छ ।
१०. ऊसँग तपाइँ ती काम वा कुराहरुसमेत गर्न सक्नुहुन्छ जुन तपाइँ एक्लै हुँदासमेत गर्नुहुन्न ।
११. त्यो साथी तपाइँको हरेक कुरामा पहिलो प्राथमिकतामा पर्छ ।