अम्बाको पातमा हुन्छन् यी चामत्कारिक गुण(भिडियो सहित)

काठमाडौं । अम्बा एक मीठो फल हो । पाकेर मात्र नभएर काँचै पनि खान सकिने र मीठो हुने यो फलको बोटको पात पनि उपयोगी हुन्छ भन्ने कुरा चाहिं कमैलाई थाहा छ । अम्बाको पात विभिन्न रोग देखि छालालाई सुन्दर बनाउन सम्म उपयोगी हुन्छ । अम्बाको पातले मोटोपन समेत घटाईदिन्छ ।

अम्बाको पातले मधुमेह रोगलाई भगाउन मद्दत गर्छ । यो पातले शरीरमा अत्यधिक ल्याक्टोज सोस्न र चिनी उत्पादन गर्न कम गरिदिन्छ, जसले गर्दा चिनी रोग भएका बिरामीलाई समेत यो लाभदायक हुन्छ । यी गुणले गर्दा चिनी रोग अर्थात मधुमेह भएका व्यक्ति र मोटोपना घटाउन चाहने व्यक्तिले अम्बाको पातको धुलो खानु राम्रो हुन्छ । यसलाई सुकाएर धुलो बनाएर चुर्णको रुपमा खान सकिन्छ । अम्बाको पातले हाड जोर्नीको दुखाई पनि कम गरिदिन्छ । अम्बाको पातलाई थिचेर दुखेको ठाउँमा लगाउनाले दुखाइ कम हुन्छ । पातलाई थिचेर त्यसलाई तातो बनाएर लगाउनु पर्छ ।