प्रकाशित मिति : बिहिबार, माघ १०, २०७५
काठमाडौं, माघ १० । नेपाल कम्युनिस्ट पार्टी (नेकपा)ले पूर्वउपप्रधानमन्त्री तथा नेकपाका नेता भरतमोहन अधिकारीको शीघ्र स्वास्थ्यलाभको कामना गरेको छ ।
बिहीबार पार्टीका महासचिव विष्णुप्रसाद पौडेलले एक विज्ञप्ति निकाली अधिकारीको स्वास्थ्यलाभको कामना गरेका हुन् ।
गत माघ २ गते मुटु, श्वास–प्रश्वास र छातीको संक्रमण भएपछि उनको उपचार अहिले ललितपुरस्थित मेडिसिटी अस्पतालमा भइरहेको छ ।
अधिकारीको गत बुधबारदेखि सघन उपचारकक्षमा राखेर उपचार भइरहेको छ ।
८२ वर्षीय अधिकारीले उपप्रधानमन्त्रीसहित अर्थमन्त्री, तत्कालीन नेकपा एमालेको स्थायी कमिटी सदस्य भएर सरकार र पार्टीका विभिन्न जिम्मेवारी सम्हालेका छन् । रासस
© copyright 2016-2019 and all right reserved to jaljalakhabar | Site By : sobij
