प्रकाशित मिति : आइतवार, माघ २७, २०७५
काठमाडौं । बर्दिया र काभ्रेमा भएका आगलागीबाट करिब १७ लाख ९० हजार रुपैयाँ बराबरको धनमाल जलेर नष्ट भएको छ।
बर्दिया, मधुवन नगरपालिका ७ दशरथ बस्ती बस्ने बाबुराम खरेलको घरमा बिद्युतको तार सर्ट भई आइतबार बिहान आगलागी हुँदा घर, घरभित्र रहेको भाँडाबर्तन, लत्ताकपडा, अन्नपात र नगद ६८ हजार रुपैयाँ जलेर करिब ५ लाख रुपैयाँ बराबरको धनमाल नष्ट भएको छ।
काभ्रे, रोशी गाउँपालिका ५ छाप बस्ने गंगाबहादुर तामाङको ढुंगा माटोले बनेको कच्ची घरमा बिजुलीको तार सर्ट भई आइतबार बिहान आगलागी हुँदा घर, घरभित्र रहेको भाँडाबर्तन, लत्ताकपडा, अन्नपात लगायतका सामनहरु जलेर करिब १२ लाख ९० हजार रुपैयाँ बराबरको धनमाल नष्ट भएको छ।
स्थानीय बासिन्दाको सहयोगमा प्रहरीले आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ।
© copyright 2016-2019 and all right reserved to jaljalakhabar | Site By : sobij
