शिक्षक नायकहरुलाई रेडक्रस तालिम

शिबराज पन्थी
२८ माघ, गढवा

नेपाल रेडक्रस सोसाइटी जिल्लाशाखा दाङको समुदाय उत्थानशिलतामा अभिबृद्धि कार्यक्रमको आयोजनामा सोमबारदेखी गढवामा शिक्षक नायकहरुलाई विद्यालय सुधार योजना निर्माण सम्बन्धी तालिम दिन सुरु गरिएको छ ।

गढवा र राजपुरका १३ विद्यालयका २६ जना शिक्षक नायकहरु उपस्थित भएको तालिमलाई रेडक्रस दाङका जिल्ला आपतकालिन सेवाकेन्द्रका अधिकृत खिलानाथ दाहाल, इन्कोर परियोजनाका कार्यक्रम अधिकृत जगत तामाङ र फिल्ड अधिकृत देवी प्याकुरेलले सहजीकरण गर्नुभएको छ ।

नेपाल रेडक्रस सोसाइटी उपशाखा गढवाका सचिव शिबराज पन्थीको अध्यक्षता र रेडक्रस दाङका सभापति नारायण आचार्यको प्रमुख आतिथ्यमा भएको तालिम उद्घाटन कार्यक्रममा विद्यालयहरुमा आइपर्ने विपद् ब्यवस्थापनमा दक्षता प्रदानगर्न शिक्षक नायकहरुलाई तालिम दिन थालिएको सभापति आचार्यले बताउनु भयो । जगत तामाङको बिषय प्रवेश तथा स्वागत मन्तब्यबाट सुरु भएको तालिम उद्घाटन कार्यक्रमको देवी प्याकुरेलले गर्नुभएको थियो ।