प्रकाशित मिति : बिहिबार, फाल्गुन २, २०७५
कञ्चनपुरको पुनर्बास नगरपालिका-२ दशरथ बस्तीबाट ठूलो परिमाणमा सुन बरामद भएको छ । प्रहरीको केन्द्रीय अनुसन्धान ब्युरोको टोलीले बिहीबार बिहान १८ किलो सुनसहित एक जनालाई पक्राउ गरेको हो ।
पुनर्बास नगरपालिका २ दशरथ बस्तीमा एक स्थानीयको घरमा लुकाइराखेको अवस्थामा १ सय ८ टुक्रा (बिस्कुट) सुन बरामद भएको केन्द्रीय अनुसन्धान ब्यूरोका एसपी सुदीप गिरीले बताए । सुनसँगै एकजना स्थानीय पनि पक्राउ परेका छन् ।
सुन तस्करीमा अन्यको पनि संलग्नता हुन सक्ने भएकाले पक्राउ परेका व्यक्तिको नाम सार्वजनिक गरिएको छैन । भारतबाट नेपालतर्फ तस्करी भइरहेको सूचनाका आधारमा सिआईबीले उक्त सुन बरामद गरेको हो ।
© copyright 2016-2019 and all right reserved to jaljalakhabar | Site By : sobij
