चट्याङ लागेको परिवारलाई राहत वितरण

शिबराज पन्थी
६ फागुन, गढवा

गढवा गाउँपालिकाले चट्याङ परेर घरमा आगलागि भएको गढवा ७ बिजयपुरका पिडित परिवारलाई एक चरणमा खाद्यान्न लत्ताकपडा र भाँडाकुडा सहितको राहत वितरण गरेको छ । गत फागुन २ गते राती २.३० बजेको समयमा गढवा ७ बिजयपुर स्थित बालाराम कामीको घरमा चट्याङ पर्दा घरमा आगलागि भएको थियो ।

चट्याङबाट सो घरकी मोति बिक. गम्भिर घाइते हुनुभएको छ । घाइते बिक लाई कोहलपुर मेडिकलमा उपचारपछि घरमा ल्याइएको र निजको अवस्था हाल केहि सुधार भएको पारिवारीक स्रोतले जनाएको छ । आगलागि हुदा घरमा रहेका लत्ताकपडा, खाद्यान्न, फर्निचर र गरगहना जलेर नष्ट भएको रेडक्रस गढवाले जनाएको छ ।

आगलागि भएपछि लमही नगरपालिकाको दमकल, रेडक्रसकर्मि र गढवाको प्रहरी घटना स्थलमा पुगेको र आगो निभाउन सहयोग गरेको बताइएको छ ।

यसैविच गढवा गाउँपालिकाको विपद ब्यवस्थापन समितिले घटना स्थलको निरीक्षण गरि एक चरणमा राहत वितरण गरेको छ भने अर्को चरणमा गाउँपालिकाको नियमानुसार जस्तापाता उपलब्ध गराउने तयारी भैरहेको विपद ब्यवस्थापन समितिका संयोजक प्रकाश भण्डारीले जानकारी दिनुभएको छ ।

घटना स्थलमा गाउँपालिका विपद् ब्यवस्थापन समितिका फोकल पर्सन कैलाश चौधरी, सदस्य सावित्रा गहतराज, कार्यपालिकाका सदस्य शोभा रावत र पे्रस संयोजक शिबराज पन्थीले अनुगामन गर्नुभएको थियो । यसैगरि नेपाल रेडक्रस सोसाइटी उपशाखा गढवाले पनि राहत वितरण गरेको बताइएको छ ।
गढवामा अध्यक्ष गोल्डकप फुटवल प्रतियोगिता सुरु हुने ।