प्रकाशित मिति : मङ्लबार, फाल्गुन २८, २०७५
काठमाडौं, फागुन २८ । पूर्वमुमा बडामहारानी रत्न शाहको स्वास्थ्यमा उल्लेख्य सुधार आएको जनाइएको छ ।
रुघाखोकी लागेर अस्वस्थ्य भइ यही फागुन २१ गतेदेखि काठमाडौंको नर्भिक अस्पतालमा उपचाररत् ९१ वर्षीया रत्नको स्वास्थ्यमा उल्लेख्य सुधार आएको अस्पतालले मंगलबार प्रेस विज्ञप्ति जारी गरी जनाएको छ ।
स्वास्थ्यमा सुधार आएपनि उनी अझै एक हप्तासम्म अस्पतालमै बस्नुपर्ने उपचारमा संलग्न चिकित्सकले बताएका छन् ।
उनको छातीमा अझै संक्रमण देखिएको छ ।
आमा बिरामी भएपछि पूर्वराजा ज्ञानेन्द्र शाह तराई भ्रमण छोट्याएर काठमाडौं फर्किएका थिए ।
पूर्वराजा ज्ञानेन्द्र बुधबारदेखि तराई भ्रमणमा
पूर्वराजा ज्ञानेन्द्र बुधबारदेखि तराई भ्रमणमा जानेछन् ।
बुधबार धनुषा जाने पूर्वराजा ज्ञानेन्द्रले बिहीबार सर्लाहीको मलंगवामा, शुक्रबार धनुषाको जानकी मन्दिरमा, शनिबार उदयपुर, गाईघाटको राधाकृष्ण मन्दिरमा र आइतबार चैत ३ गते सप्तरीको छिन्नमस्ता मन्दिरमा पूजा–अर्चना गरेपछि दमक जाने कार्यक्रम रहेको छ ।
पूर्वरानी कोमल शाह भने सासूको स्याहारमा काठमाडौंमै रहने पारिवारिक स्रोतले बताएको छ ।
© copyright 2016-2019 and all right reserved to jaljalakhabar | Site By : sobij
