प्रकाशित मिति : मङ्लबार, फाल्गुन २८, २०७५
हेटौंडा, फागुन २८ । मकवानपुरमा मंगलबार जन्ती बोकेको एक बस दुर्घटना हुँदा दुईजनाको घटनास्थलमै मृत्यु भएको छ ।
मृत्यु हुनेमा नुवाकोटका विकास धमला र भक्तपुरका नवराज परियार छन् ।
दुर्घटनामा १७ जना घाइते भएका छन् । घाइतेमध्ये पाँचजनाको अवस्था गम्भीर रहेको छ ।
उनीहरुको हेटौंडा अस्पतालमा उपचार भइरहेको प्रहरीले जनाएको छ ।
भक्तपुरबाट कान्ति लोकपथ हुँदै जन्ती लिएर हेटौंडातर्फ जाँदै गरेको बा४ख २२१७ नम्बरको बस मकवानपुरको गढी गाउँपालिका–२, धरमपानीमा दुर्घटना भएको हो ।
बसमा २७ जना सवार रहेका जनाइएको छ ।
बस सडकबाट करिब २० मिटर तल खसेर रुखमा अड्किएको छ ।
© copyright 2016-2019 and all right reserved to jaljalakhabar | Site By : sobij
