काठमाडौं । नेपाल आयल निगममा जागिरका लागि कार्तिक २६ गते देखि मंसिर ११ गतेसम्म परीक्षा हुने भएको छ । आयल निगमले गएको असार ४ गते खोलेको विज्ञापन अनुसार ईन्जिनियरदेखि खरिदारसम्मका कर्मचारीका लािग परीक्षाको मिति तोकेको हो ।
असार ४ गतेको विज्ञापनअनुसार विभिन्न पदमा माग गरिएका ६२ जना कर्मचारीको लागि करीव १० हजार जनाले फर्म भरेका छन् । धेरै बोनस सुविधा हुने र अतिरिक्त कामको भत्ता पाईने भएकोले आयल निगमको जागिर धेरैका लागि आकर्षक मानिन्छ ।
आयल निगमले सबै विवरण अद्यावधिक गरेर लोकसेवालाई बुझाउने तयारी गरेको प्रशासन शाखाका प्रवन्धक बीनी श्रेष्ठले बताईन् । ‘अव हामीले सबै तथ्यांक एकदुईदिनमा लोकसेवालाई बुझाएपछि प्रवेश पत्र बाँड्छौँ अनि लोकसेवाले परीक्षाकेन्द्र तोक्छ’ उनले भनिन् ।
निगमका अनुसार प्राविधिक तर्फको ईण्डष्ट्रियल उपप्रबन्धकको परीक्षा कार्तिक २७ गते हुने भएको छ । प्रथम पत्रको बिहान ११ बजे र द्वितियको दिउँसो १ बजे परीक्षा हुने छ । त्यसैगरी मेकानिकल, सिभिल, ईलेक्ट्रिकल, पेट्रोलियम, कम्प्यूटर तर्फका ईन्जिनियरहरु (प्रबन्धक) र लेखा अधिकृत (सहायक प्रवन्धक) को परीक्षा कार्तिक २७ गते हुने भएको छ । उनीहरुको प्रथम पत्र बिाहन ११ बजे र द्वितिय पत्र दिउँसो १ बजे हुने निगमले जनाएको छ ।
त्यसैगरी पाचौँ तह नायव सुब्बा तर्फका ल्याव, कम्प्यूटरका बरीष्ठ सहायक र तह ४ को मिस्त्रीको सहायकको कार्तिक २८ गते दिउँसो १ बजे परीक्षा हुने भएको छ ।
तह ६ को कम्प्युटर-आईटि तर्फको सहायक प्रवन्धकको परीक्षा कार्तिक २९ गते र ३० गते हुने भएको छ । प्रथम पत्रको परीक्षा २९ गते दिउँसो १ बजे र द्वितिय पत्र ३० गते दिउँसो १ बजेका लागि तोकिएको हो ।
लेखा तर्फ पाचौ तहको बरीष्ठ सहायक पदको परीक्षा मंसिर२ गते ११ बजे प्रथम पत्र र ३ गते दिउँसो १ बजे द्वितिय पत्रको परीक्षा हुने भएको हो । प्रशासन तर्फ छैठौँ तहको सहायक प्रवन्धकको प्रथम पत्र असार ४ गते बिहान ११ बजे र द्वितिय पत्रको दिउँसो १ बजे हुने गरी मिति तोकिएको छ ।
चौथो तहको प्रशासनसहायक अर्थात खरीदारको परीक्षा मंसिर ७ र ८ गतेका लागि तोकिएको छ । प्रथम पत्र ७ गते ११ बजे र द्वितिय पत्र ८ गते १ बजेका लागि तोकिएको हो । चौथो तहकै लेखा सहायकको मंसिर ९ र १० गते तोकिएको छ । पहिलो पत्र ९ गते बिहान ११ बजे र द्वितिय पत्रको परीक्षा १० गते ११ बजे हुने भएको हो ।
पाँचौँ तहको प्रशासन तर्फको बरीष्ठ सहायकको परीक्षा मंसिर ११ गते हुने भएको हा । उक्त पदको लागि प्रथमपत्र बिहान ११ बजे र द्वितिय पत्र दिउँसो१ बजे हुने आयल निमले जनाएको छ ।
