काठमाडौ  । राजधानीमा जारी नाडा अटो शो आइतबारवाट सकिएको छ । गत भदौ १४ गतेवाट सुरु भएको अटो शोमा दुई पाङ्ग्रे, चार पाङ्ग्रे तथा हेवी इकुपमेन्ट लगायतका एक सय २५ भन्दा वढी स्टलहरु रहेका थिए ।
यस पटकको अटो शोमा ५० हजारभन्दा वढीले अवलोकन गरेको तथा करोडौको गाडी तथा मोटरसाइकल वुकिङ भएको नाडा अटो मोवाइल एसोसिएसनले जनाएको छ । अटो शोमा विभिन्न कम्पनीका पछिल्ला उत्पादनहरु प्रदर्शनमा राखिएको र नयाँ व्राण्डका गाडी, मोटर साइकल र स्कुटरमा ग्राहको आकर्षण रहेको जनाइएको छ ।
मेलामा एक लाख १२ हजार देखि २० लाख रुपैयाँ सम्मका मोटरसाइकल तथा १५ लाख देखि ३ करोड रुपैयाँ सम्मका गाडी राखिएको थियो । विभिन्न कम्पनीले आफ्ना उत्पादनको वुकिङ तथा खरिदमा नगद छुट र विभिन्न आकर्षक उपहार योजना समेत ल्याएका थिए । नयाँ र ग्राहक लक्षित योजनाका कारण पनि अघिल्ला बर्षहरुमा भन्दा यसपटक अटो शोमा अवलोकनकर्ताको भिड रहेको आयोजकले जनाएको छ । मेला व्यवस्थापनमा खासै समस्या नरहेकाले पनि अवलोककर्ताले सवै प्रकारका उत्पादनहरुको सहज अवलोकन गरेको जनाइएको छ ।
यस पटकको अटो शो विभिन्न बैंक तथा वित्तीय संस्थाले न्युनतम ५ प्रतिशतमा अटो कर्जा समेत उपलव्ध गराएका थिए । ग्राहकलाई लक्षित गरेर बैंक तथा विभिन्न संस्थाले पर्याप्त कर्जा दिएकाले पनि ग्राहकले वढी सवारी वुकिङ गरेको जनाइएको छ । यस पटक विभिन्न कम्पनीले स्वदेशी तथा विदेशी मोडलका साथमा आफ्ना उत्पादनको प्रदर्शन गरेका थिए । उपप्रधान तथा अर्थमन्त्री कृष्णवहादुर महराले उद्घाटन गरेको अटो शो आइतबारवाट भने औपचारिक रुपमा समापन भएको नाडाले जनाएको छ ।
आफुले रोजेको सवारी सहज र सहुलियत दरमा किन्न चाहानेका लागि अटो शो प्रभावकारी वनेको नाडाको भनाइ छ । नाडाले हरेक वर्ष दशै तिहारको पूर्व सन्ध्यामा अटो शो आयोजना गर्ने गरेको छ । यसवाट गाडी खरिद गर्न चाहानेका लागि सहजता मिल्ने गरेको छ ।