एमालेको युवा संघले माग्यो प्रधानमन्त्री राजीनामा

काठमाडौं ।  प्रमुख प्रतिपक्षी नेकपा एमालेले प्रधानमन्त्री पुष्पकमल दाहाल प्रचण्डको राजीनामा माग गरेको छ ।

एमालेले आफ्नो भातृ संगठन युवा संघ नेपाललाई अगाडि सारेर प्रधानमन्त्री प्रचण्डको राजीनामा माग गरेको हो । युवा संघले सोमबार काठमाडौमा पत्रकार सम्मेलन गरी भारत भ्रमणका क्रममा परराष्ट्र नीति र पञ्चशीलको सिद्धान्त विपरित सम्झौता गरेको आरोप लगाउँदै प्रधानन्त्रीको राजीनामा माग गरेको हो । युवा संघको नेतृत्व पार्टी अध्यक्ष केपी शर्मा ओली निकट मानिन्छ ।

नेपालको आन्तरिक मामिलाका विषय समावेश गरेर भारतसँग सम्झौता गरेको, नेपालको विदेश मामिला सम्बन्धी दृष्टिकोणमा भारतलाई जर्बजस्ती हावी गराएको, सुगौली सन्धि लगायतका असमान सन्धिका विषयमा कुरा नउठाएको तथा हुलाकी मार्ग लगायतका विकास निर्माणका महत्वपूर्ण परियोजनामा भारतीय चासोप्रति लम्पसार परेको युवा संघको आरोप छ ।