प्रकाशित मिति : शुक्रबार, कार्तिक १२, २०७३
काठमाड । कृषि बिकास मन्त्रालयको सहयोग तथा फ्लोरिकल्चर एसोशिएसन नेपालको आयोजनामा ललितपुरको जावलाखेलमा सुरुभएको गोदावरी मेलामा उत्साहजनक कारोवार भएको छ । दुई दिनमै १५ लाख रुपैयाँ भन्दावढीको कारोवार भएको जनाइएको छ ।
प्रतिश्पर्धामा प्रथम बनेको सम्झना नर्सरीका संचालक तिर्थ बहादुर महर्जनले मेलामा गोदावरी फूल मात्र प्रदर्शनी तथा ब्यापारका लागि राखेको बताउँदै दुइ दिनमा भएको कारोबारबाट उत्साहित बनेको बताए ।
उनले गोदावरी फूलको माग अत्यधिक भएको जनाए ।
यसैगरि टिटिआर बंगलामुखी नर्सरीका संचालक रुद्रकुमार सुनुवारले आफ्नो स्टलबाट बगम्बेली र गोदावरीको कारोबार उच्च रहेको बताए ।
दैनिक ५० हजार भन्दा बढीको कारोबार गरिरहेको बताउँदै सुनुवारले शनिबारको कारोबार उच्चहुने बिश्वास ब्यक्त गरे ।
तिहार तथा छट पर्ब लक्षित गोदावरी मेलामा प्रतिश्पर्धात्मक, सूचनामुलक तथा व्यवसायीक स्टल गरि ४२ वटा स्टल रहेका छन् ।
मेलामा ३५ लाख रुपैयाँभन्दा बढीको कारोबार गर्ने लक्ष रहेको जनाइएको छ ।
आर्थिक बर्ष २०७२÷७३ मा १ अर्ब ३४ करोडको कारोबार गर्न सफल पुष्पब्यबसायले ४१ हजार भन्दा बढीलाई रोजगारी प्रदान गरिरहेको जनाइएको छ ।
© copyright 2016-2019 and all right reserved to jaljalakhabar | Site By : sobij
