पुरन्धारा छहरा गुरु योजना अझै कार्यान्वयनमा आएन

दाङ । पुरन्धारा छहराको गुरु योजना निमार्ण भएको करिब दुई दशक पुग्दा समेत
कार्यान्वयन तहमा आउन सकेको छैन । २०५६ सालमा जिल्ला विकास समितिको पर्यटन
विकास समितिले एक करोड ५० लाखको गुरु योजना बनाएको पुरन्धारा छहरा केन्द्रका अध्यक्ष दुर्गा प्रसाद भण्डारीले बताउनुभयो ।

छहराको विकासका लागि हालसम्म पुरन्धारा गाउ विकास समितिले ५० हजार मात्र रकम विनियोजन गरेको समेत अध्यक्ष भण्डारीले बताउनुभयो । जिल्ला विकास समितिबाट हालसम्म एक लाख
५० हजार, पर्यटन विकास कार्यालय भैरवाबाट १६ लाख प्राप्त भएको समेत अध्यक्ष भण्डारीले बताउनुभयो । पटक पटक जिल्ला विकास समित, गाविसमा छहराको विकासका लागि रकम माग गर्दा कुनै सुनुवाईनभएको समेत भण्डारीले बताउनुभयो ।

दैनिक रुपमा छहराको अवलोकन र पिकनिका लागि १५ देखि २० वटासम्म समुह आउने गरेको कार्यालय कुमार वलीले बताउनुभयो । प्रति बस रु ४ सय र ट्याक्सीबाट २सय रकम लिने गरको समेत बताउनुभयो । करिब २ दशक अघि बनाएको गुरु योजना समेत समितिमा नरहेका कारण कार्यान्वयनमा समस्यादेखा परेको अध्यक्ष दुर्गाप्रसाद भण्डारीले बताउनुभयो । छहरामा हाल ४ वटा पिकनिक स्पट, शौचालय र २ वटा गोल घर रहेको बताएको छ । ट्वाङखोला देखि छहरासम्मको
सडक मर्मत समेत गरिएको छ ।

छहरामा खानेपानीको समस्या रहेको पिकनिक पुगेका खुमराज पाण्डेले बताउनुभयो । पिकनिक गएका मानिसहरु छहरा या बबईको पानी पिउन बाध्य रहेका छन् । यता केन्द्रका अध्यक्ष दुर्गाप्रसाद भण्डारीले खानेपानी र शौचालयमा पानीको व्यवस्था गर्नका लागि जिल्ला खानेपानी डिभिजन
कार्यालय, जिल्ला विकास समितिमा माग गर्दा कुनै सुनुवाई नभएको र छहरा केन्द्रसंग थप आथिर्क स्रोत नभएकाले समस्या भएको समेत बताउनुभयो ।

उता हापुरे उद्योग वाणिज्य संघका अध्यक्ष ज्ञानप्रसाद आइतबारेले छहराको विकासका लागि पहल गर्ने बताउनुभयो ।