प्रकाशित मिति : बिहिबार, कार्तिक २५, २०७३
पोखरा । पोखराको पृथ्वीचोकस्थित हङकङ बजारमा गएराती भीषण आगलागी भएको छ । गएराती १० बजेको समयमा आगलागी भएको हो ।
आगलागीबाट त्यहाँ रहेका १ सय ५० पसल मध्ये २५ वटा पसलका सामान जलेर खरानी भएका छन् । आगो लागे सँगै वारुणयन्त्र र स्थानीयवासी तथा सुरक्षाकर्मीले आगो निभाएका थिए ।
विद्युत सर्ट हुँदा बजारमा आगो लागेको हुन सक्ने स्थानीयवासीले बताएका छन् ।
आगलागी हुने बित्तिकै दमकललाई खवर गरेपनि दमकल जान ढिलाई हुँदा क्षति बढी भएको स्थानीयवासीले बताए ।
आगो निभाउन नेपाली सेना, नेपाल प्रहरी र सशस्त्र प्रहरी तथा स्थानीय नागरिक र आसपासका व्यापारीहरु जुटेका थिए ।
© copyright 2016-2019 and all right reserved to jaljalakhabar | Site By : sobij
