(गुलरिया) बर्दिया । भारत सरकारले ५०० र १००० का नोटमाथी प्रतिबन्ध लगाएपछि त्यस्को असर नुनको कारोबारमा देखिएको छ । भारतिय मिडियामा नुनको अभाव हुनसक्ने भन्दै रिपोर्ट लगायत समाचारहरु प्रकाशित भएपछि गुलरियामापनी एकाएक नुनको अभाव देखिएको छ ।
तर यो अभाव वास्तविक नभएर हल्लाको भरमा ब्यापारीहरुले नुन लुकाउँदा आएको परिणाम हो । अचम्मको कुरा त के हो भने भारतका मिडियाले भने जस्तो अभाव नेपालमा छैन जस्को पुष्टि साल्ट ट्रेडिङ केन्द्रिय कार्यालयले गरिसकेको छ तर हल्लाकै पछि लागेर रातारात बजारबाट नुनको बोरा गायब भएका छन । नुन किन्न निस्किएका शिव श्रेष्ठ भन्छन- सँधै नुन किन्ने पसलमा नुन किन्न गएको २ गुणा महङो भन्यो ।
बिगतमा भारतले नेपालमा लगाएको नाकाबन्दिको बेला पेट्रोलिएम पदार्थको अभाव चुलिएको नजिरका कारण स्थानिय उपभोक्ता नुनको अभाव हुने भयो भन्दै बजारमा नुन किन्न निस्केका थिए । यता केही कालाबजारियाहरुले हल्लाको फाईदा उठाउँदै बजारमा भएका नुन एक मुष्ठ किनेर लुकाएका छन । नुनको कृतिम अभावको सृजनागरी फाईदा उठाउन सकृय रहेको उक्त गिरोहको प्रहरीले खोजी गरिरहेको बताएको छ ।
जिल्ला प्रहरी कर्यालय स्रोतका अनुसार केही व्यापारीको समुहले जानाजान बजारमा नुन अभाव रहेको हल्ला फिजाई कालाबजारी गर्न खोजेकोले प्रहरीले अनुसन्धान अघि बढाएको हो । जिल्ला प्रहरी कार्यालयबाट सादा पोसाकमा प्रहरी परिचालन गरिएको छ ।
