बढ्दो प्रदुषणले नगरबासी हैरान

परासी । नवलपरासी सदरमुकाम परासीमा बढ्दो प्रदुषणले सदरमुकामबासीहरु समस्यामा परेका छन् ।
मापदण्ड विपरित उद्योग कलकारखाना, अव्यस्थित बाटोघाटो र बाटोमै निर्माण सामग्री राखिनाले बजारमा व्यापक धुलो धुवाँ हुने गरेको छ ।
कम क्षमतावान रहेको परासी बजारका सडकहरुमा ठुला ठुला सवारी साधान जथाभावी गुडेपछि पुरै बजारभरि धुलो हुने गरेको छ । जसकारण नगरबासी एवं साना सवारी चालकहरुको आँखामा सोझै धुलो आउने, कपडा लत्ता सरससामानहरु विग्रिने र वातावरण प्रदुषित हुने गरेको स्थानयिले बताए ।
त्यस्तै सदरमुकाममा मापदण्ड विपरित रहेको विभिन्न उद्योग कलकारखाको धुँवा र बजारभरिको उडिरहेको धुलोले गर्दा जनताहरुलाई बाहिर हिँलडूल गर्न समेत कठिनाई भैरहेको छ भने वातावरण प्रदूषणका कारण रोगका सिकार हुनुपरेको स्थानीयको गुनासो छ ।