एक्सरे मेसिन बिग्रिदा बिरामी मर्कामा

बझाङ । जिल्ला अस्पताल बझाङमा एक्सरे मेसिन बिग्रिदा बिरामी मर्कामा परेका छन् । एक साता अगाडि बिग्रेको एक्सरे मेसिन मर्मत नहँुदा बिरामी मर्कामा परेका हुन् ।
एक्सरे मेसिन बिग्रेको हुँदा उपचारका लागि जिल्ला अस्पताल बझाङ आएका बिरामीहरु २ किलोमिटर टाढा रहेको निजि अस्पतालमा गएर एक्सरे गरिरहेका छन ।

जिल्ला अस्पताल बझाङको एक्सरे मेसिन बिग्रेको हुँदा बिरामीलाई लिएर एक्सरे गर्न निजि अस्पतालमा ल्याएको बिरामीका आफन्त गोविन्द रोकायाले बताए । राज्यले तत्काल एक्सरे मेसिन मर्मत गरी जिल्ला अस्पतालमा नै सेवा दिनुपर्ने उनको भनाई छ ।

एक्सरे मेसिन बिगे्रको हुँदा बिरामीहरु एक्सरे गर्न निजि अस्पतालमा जाने गरेको जिल्ला अस्पतालका डाक्टर बिष्णु खतिवडाले बताए । बिग्रेको एक्सरे मेसिनको सामान बाहिरी देशबाट मगाउनु पर्ने हुँदा एक साता पछि एक्सरे मेसिन मर्मत गरि सेवा दिने उनको भनाइ छ ।