विप्लवको सामुन्ने जब पाख्रिन रोए….

काठमाडौं । राजधानीको कमलादी स्थित प्रज्ञाभवनमा आयोजित नेकपा माओवादी सम्बद्ध अखिल नेपाल जनसांस्कृतिक महासंघको पाँचौ राष्ट्रिय सम्मेलनमा जनवादी गायक खुशीराम पाख्रिन भावुक बन्न पुगेका छन् ।

जुन सम्मेलनमा पार्टी अध्यक्ष नेत्रविक्रम चन्द विप्लवको सहभागिता रहेको थियो ।
सम्मेलनलाई सम्बोधन गर्दै पाख्रिनले २०३८ सालदेखि निरन्तर जनवादी गीत गाउँदै आएपछि आफू ओझेलमा परेको गुनासो गरे ।

कलाकारहरु चाहिँदाको भाँडा र नचाहिँदाको ठाँडो वनाइएको भन्दै पाख्रिनले आफ्ना नेताहरु साँस्कृतिक हिसावले विग्रिएको दावी गरे । १ सय ६० जना जनवादी कलाकारले युद्धमा ज्यान गुमाएको सम्झेर उनी रोष्टममै रोएका थिए । खुशीराम रुँदा महासचिव विप्लव गम्भीर देखिएका थिए ।

महासचिव विप्लवले आफ्नो मन्तव्यको अधिकाँश समय पाख्रिनको नाम उच्चारण गरिरहेका थिए । पाख्रिनलाई आश्वस्त तुल्याउन ‘विचलनको भासमा जाकिएका नेताहरु जो आफू बिचलनमा परिसक्यौं भनेर स्वीकार समेत गर्दैनन् त्यस्ताहरुसँग टाउको घुसारेर तिनैसँग आफ्नो मूल्याँकन र संरक्षण भएन भनेर बस्नुभन्दा आफ्नो इतिहासलाइ सम्झिएर गर्व गर्न’ विप्लवले सुझाव दिएका थिए ।