प्रकाशित मिति : बिहिबार, मंसिर २, २०७३
चितवन । नारायणगढ मुग्लिन सडकखण्डअन्तर्गत चण्डिभञ्ज्याङ–६ कालीखोलामा ट्रकले मोटरसाइकललाई ठक्कर दिँदा आज दिउँसो मोटरसाइकलमा सवार एकजनाको मृत्यु भएको छ ।
नारायणगढबाट मुग्लिनतर्फ जाँदै गरेको ना७ख १३४९ नंको ट्रकले मुग्लिनतर्फ जाँदै गरेको ना३०प ९३१४ नंको मोटरसाइकललाई ठक्कर दिँदा मोटरसाइकल चालकको मृत्यु भएको हो ।
मृत्यु हुनेमा लम्जुङ जिल्ला तारन्घाट–६ बस्ने २७ वर्षीय श्यामबहादुर विक रहेको जिप्रका, चितवनले जनाएको छ । ट्रकको ठक्करबाट घाइते भएका विकको उपचारका क्रममा कलेज अफ मेडिकल साइन्सेज, भरतपुरमा मृत्यु भएको हो ।
© copyright 2016-2019 and all right reserved to jaljalakhabar | Site By : sobij
