अनुदान सम्झौता सुरु

भक्तपुर । मध्यपुरथिमि नगरपालिकाले आजबाट भूकम्प प्रभावितलाई पहिलो किस्ताको रकम वितरणका लागि अनुदान सम्झौता सुरु गरेको छ ।

मध्यपुरथिमि नगरपालिकाले आजबाट भूकम्प प्रभावितलाई पहिलो किस्ताको रकम वितरणका लागि अनुदान सम्झौता सुरु गरेको छ ।

सङ्घीय मामिला तथा स्थानीय विकास मन्त्रालयअन्तर्गतको केन्द्रीय आयोजना एकाइ कार्यालयले स्थानीय निकायमार्फत भूकम्प प्रभावितका लागि अनुदान सम्झौता सुरु गरेको हो । सो सम्झौता तीन दिनभित्र सम्पन्न गर्ने नगरपालिकाका कार्यकारी अधिकृत कमल ज्ञवालीले जानकारी दिए ।

नगरकोट नगरपालिकाको ताथली, सुडाल र वागेश्वरीमा भने अझै पनि अनुदान सम्झौता सुरु हुन सकेको छैन । भूकम्प प्रभावितको लाभग्राहीमा नाम छुटेको भन्दै स्थानीयले विरोध गरेपछि सम्झौता हुन नसकेको हो । पीडितले प्रमुख जिल्ला अधिकारी तेजप्रसाद पौडेल र स्थानीय विकास अधिकारी धु्रबबहादुर कोइरालालाई ज्ञापन पत्र बुझाएका छन् । भक्तपुरमा अहिलेसम्म २८ हजार ८०० पीडितको लाभग्राहीको सूचीमा नाम रहेको बताइएको छ । रासस