चैनपुरदेखि उराई भन्ज्याङसम्म पदमार्ग बनाउन माग

काठमाडौँ । बझाङको चैनपुरदेखि उराई भन्ज्याङसम्मलाई पदमार्गका रुपमा विकास गनुपर्ने सरोकार भएकाहरुले बताएका छन् ।

नेपाल पर्वतारोहण सङ्घ साइपाल हिमाल शाखाले यहाँ आज गरेको छलफल कार्यक्रममा उक्त ठाउँमा आन्तरिक पर्यटकलाई आकर्षण गर्नका लागि पदमार्गका रुपमा विकास गर्नुपर्नेमा जोड दिए ।

सो अवसरमा नेपाल पर्यटन बोर्डका सदस्य राजेन्द्र सापकोटाले बोर्डले पदमार्ग बनाउनका लागि सक्दो सहयोग गरिने प्रतिबद्धता व्यक्त गरे । बोर्डका केबी शाहले सुदूरपश्चिमको पर्यटनलाई व्यवसायीकरण गर्नुपर्ने औँल्याए ।

ट्रेकिङ एजेन्सिज एसोसिएसन अफ नेपाल९टान०का अध्यक्ष चन्द्र रिजालले चैनपुरदेखि ताक्लाकोटसम्म पदमार्गको विकास गर्नुपर्ने बताउनुभयो । टानका महासचिव कर्ण लामाले निजी क्षेत्र पर्यटन प्रवद्र्धन गर्न तयार रहेको जानकारी गराउनुभयो ।

सङ्घ साइपाल हिमाल शाखाका अध्यक्ष कटक कठायतले सरकारले पदमार्ग बनाउन सहयोग गरे चैनपुरदेखि मानसरोवरसम्म जान सकिने बताए ।

बझाङका पत्रकार किशोरविक्रम खड्काले उक्त ठाउँमा ऐतिहासिक सम्पदा, प्राकृतिक दृश्य अवलोकन र दुर्लभ जडीबुटी पाइने भएको पदमार्गको विकास गरेर पर्यटकलाई आकर्षित गर्न सकिन्छ भन्दै सरकारलाई पदमार्गका लागि बाटो र पुल बनाइदिन आग्रह गरे ।

उनका अनुसार उक्त पदमार्ग हँुदै चैनपुरबाट मानसरोवर जान नौ दिन लाग्छ ।