सरकारलाई भण्डारीको चेतावनी : ‘हम तो डुबे है सनम..तम्हे भी ले डुबेंगे’

बर्दिवास । राष्ट्रिय मधेस समाजवादी पार्टीका अध्यक्ष शरतसिंह भण्डारीले बर्तमान सरकार मधेसी मोर्चा र सङ्घीय गठबन्धनसँग भएको तीनबुँदे सहमतिबाट हट्न खोजेको आरोप लगाएका छन् ।

सरकार गठनअघि मोर्चा र गठबन्धनसँग एक महिनामै सम्बिधान संशोधन प्रस्ताव दत्र्ता गर्नेसहितका तीन बुँदे सहमति गरेको नेकपा माओवादी केन्द्र र नेपाली काँग्रेसले सरकार गठन भएको तीन महिना नाघिसक्दासम्म संशोधन प्रस्ताव दत्र्ता नगरेपछि उनीहरु सहमतिबाट हट्न खोजेको आभास हुन लागेको अध्यक्ष भण्डारीले बताएका हुन् ।

महोत्तरीको गौशाला नगरपालिकाको रामनगरमा आज मङ्गलबारसाँझ उखु उत्पादक सङ्घ रामनगर महोत्तरीको कार्यालय उद्घाटन गर्दै अध्यक्ष भण्डारीले सरकार सम्मिलित दलहरुको यो उदासिनताले उनीहरुकै बिश्वास गुम्ने बताए ।
हिन्दी गीत ‘हम तो डुबे है सनम..तम्हे भी ले डुबेंगे’ गाएर सुनाउँदै भण्डारीले आपूmहरु सडकमै भएकाले फरक नपर्ने टिप्पणी गरे । ‘हामी डुबेकै छौं’ भण्डारीले भने –, ‘संविधान संशोधन गरेर आन्दोलनको माग सम्बोधन नगरिए हामी सबैलाई सडकमा ल्याउने छौँ ।’