टाटाका दुई शोरुम अब रविभवन र सूर्यविनायकमा

काठमाडौं । टाटाका व्यवसायिक गाडीका दुईवटा शोरुम संचालनमा आएका छन् ।

काठमाडौंमा शनिबार आयोजित एक कार्यक्रमका बिच काठमाडौंको रविभवनमा र भक्तपुरको सूर्यविनायकको शशिला मोटर्स प्रा.लि.लाई टाटा मोटर्स दक्षिण एशिया क्षेत्रीय निर्देशक सतिस मच्छेराजु र सिप्रदी ट्रेडिङ्गका निर्देशक सौर्य राणाले संयुक्त उद्घाटन गरेका हुन् ।

कार्यक्रममा शुभकामना मन्तव्य दिँदै सिप्रदी ट्रेडिङ्गका प्रमुख कार्यकारी अधिकृत राजनबाबु श्रेष्ठले उत्कृष्ट माइलेज, उत्कृष्ट वारेन्टी, देशकै सबैभन्दा ठूलो बिक्रि, सर्भिस र स्पेयर्स पार्टसको संजाल, न्यूनतम मर्मत खर्च र उच्च पुर्नविक्रि मूल्य टाटाको पञ्चतत्व बताए । यसले नै टाटालाई देशकै उत्कृष्ट ब्राण्डमा स्थापित गराउन सहयोग गरेको उनको भनाई छ ।