‘एमालेले साम्प्रदायिक ध्रुवीकरण ल्याउन खोज्यो’ मंसिर २८

वीरगन्ज। नेपाली कांग्रेसका केन्द्रीय सदस्य एवं पुर्वमन्त्री अजय चौरसियाले कथित राष्ट्रवादको नारा दिएर एमालेले साम्प्रदायिक ध्रुविकरण ल्याउन खोजेको आरोप लगाएका छन् ।

नेपाल प्रेस युनियन पर्सा शाखाले आज वीरगन्जमा आयोजना गरेको पत्रकार सम्मेलनमा चौरसियाले संविधान जारी गर्ने बेलामा नै भएको सहमति बमोजिम अहिले संशोधनको प्रस्ताव आएको दावी गरे ।
संविधान जारी गर्ने बेलामा नै संबिधान जारी गरिए लगत्तै संशोधन गर्दै जाने भनि सरकार र प्रतिपक्षी दल बिच सहमती भएकोले त्यही सहमति बमोजीम पहिलो संशोधन भएको र त्यही सहमति अनुसार नै यसपालीको संशोधन प्रस्ताव आएको उनले जिकिर गरे ।
संविधान कार्यान्वयनमा देखिएको समस्या समाधान गर्न संशोधन प्रस्ताव आएको भन्दै उनले यो संशोधन प्रस्तावलाई एमालेले राष्ट्रघाती भन्दै संसदलाई बन्दी बनाएको आरोप लगाए।