स्वास्थ्य मन्त्री थापा

जनकपुर । स्वास्थ्यमन्त्री गगन थापाले नेकपा एमालेले प्रत्येक कुरालाई राष्ट्रबाद र राष्ट्रघातसंग जोडेर देशको माहोल विगारेको अरोप लगाएका छन् ।

विभिन्न मुद्दामा भएको आन्दोलनलाई एमालेले कहिले राष्ट्रवादी र राष्ट्रघाती नारा दिएर जनत जनता बीचको सद्भावलाई भड्काउन खोजेको आरोप लगाएका छन् ।

सोमबार जनकपुर विमानस्थलमा सञ्चारकर्मीसंग कुराकानी गर्दै थापाले संविधान संशोधन प्रस्तावको विरोधमा संसद अवरोध गरेर एमालेले अलोकतान्त्रिक चरित्र प्रदर्शन गरेको संज्ञा दिएका थिए । राष्ट्रघात र राष्ट्रबादको कुरालाई उठाएर सिंगै देशको ठेक्का लिए जस्तो गरेको थापाको भनाई थियो । थापाले भने । “

यदि एमालेले अहिलेको संविधान संशोधन प्रस्थातवलाई राष्ट्रघाती भन्छन् भने विगत र संविधान घोषणाको बेला एमालेले गरेको बचा अनुसार एमाले सबभन्दा ठुलो राष्ट्रघाती पार्टी छन् र एमालेले त्यो कुरा स्वीकार्नु पनि पर्छ । ”

मन्त्री थापाले सरकारले एमालेसंग लगातार छलफलको माध्यमबाट संविधान संशोधन प्रक्रियालाई टुंगोमा पुर्याउने विश्वास व्यक्त गरेक थिए ।

उहाँले संविधान संशोधन प्रस्ताव पारित नभएको खण्डमा कुनै पनि हालतमा स्थानीय निकायको निर्वाचन नहुनेसमेत ठोकुवा गरेका थिए ।

अर्को प्रसंगमा मन्त्री थापाले जनकपुर अंचल अस्पताल लगायत देश भरिकै अंचल अस्पतालको अवस्था चाँडै सुदृढ गर्ने बताए ।

देश भरिको १८ वटा अंचल अस्पतालको अनुगमन केहि दिन अघि नै अनुगमन टोली अनुगमन गरेर रिपोर्ट बुझाएकोले रिपोर्ट अनुसार देखिएको समस्या सुधार गर्न आफु लागि परेको जानकारी दिए ।