प्रकाशित मिति : शनिबार, पुस ९, २०७३
सरकारले भोलि (आइतबार) क्रिसमसको अवसरमा सार्वजनिक बिदा दिएको छ ।
क्रिश्चियनहरुको चर्को दबाबपछि सरकारले क्रिसमसको अवसरमा आइतबार सार्वजनिक बिदा दिने निर्णय गरेको हो । उपप्रधान तथा गृहमन्त्री विमलेन्द्र निधिका प्रेस सल्लाहकार रामजी दाहालले शनिबार मन्त्रिस्तरीय निर्णयबाट क्रिसमसको अवसरमा भाेली सार्वजनिक बिदा तय गरिएको जानकारी दिए ।
तत्कालीन प्रधानमन्त्री केपी ओली नेतृत्वको सरकार छँदै सरकारी क्यालेन्डर बनाउनेक्रममा क्रिसमसको बिदा क्रिस्चियन धर्मावलम्बीहरुका लागि मात्र दिने निर्णय गरेको थियो ।
विश्वभरका क्रिस्चियन धर्मावलम्बीहरुले इसा मसिह अथवा जिसस क्राइस्टको जन्म दिन पारेर हरेक वर्ष २५ डिसेम्बरका दिन क्रिसमस मनाउँदै आएका छन् ।
© copyright 2016-2019 and all right reserved to jaljalakhabar | Site By : sobij
