स्थानीय तहको निर्वाचन सरकारको पहिलो प्राथमिकताः मन्त्री पाण्डे

काठमाडौ । सरकारले स्थानीय तहको निर्वाचनलाई पहिलो प्राथमिकतामा राखेको बताएको छ ।

मन्त्री पाण्डे

स्थानीय विकास मन्त्री हितराज पाण्डेले स्थानीय तहको निर्वाचनलाई ध्यानमा राखेर सरकारले स्थानीय तह पुनर्संरचनाको कामलाई पूर्णता दिन लागि परेको भन्दै सरकारको प्राथमिकता नै चुनाव भएको बताएका हुन् ।
मन्त्री पाण्डेले भने, ‘ स्थानीय तहको निर्वाचन गराउन सरकारले संविधान संशोधन प्रस्ताव ल्याउनु परेको हो ।’
सोमबार काठमाडौमा भएको एक कार्यक्रममा बोल्दै मन्त्री पाण्डेले सबैलाई साथमा लिएर निर्वाचनमा जान सरकार तयार रहेको पनि प्रष्ट पारे ।
मन्त्री पाण्डेले संविधान कार्यान्वयनकै लागि सरकारले निर्वाचन सम्बन्धि कानुनलाई संसदको कार्यसुचिमा प्रवेश गराएको बताए ।