धादिङमा फिल्म सुटिङ युनिट सवारी गाडी दुर्घटना

काठमाडौं । धादिङको गल्छीमा बुधबार  ब्याई फ्रेण्ड नामको फिल्म सुटिङ युनिट चढेको गाडी दुर्घटना हुँदा ५ जना घाइते भएका छन् । घाइते मध्ये एक जनाको अवस्था गम्भीर रहेको र उनको राजधानीको वीर अस्पतालमा उपचार भइरहेको बताइएको छ  ।
चलचित्रका निर्देशक मदन घिमिरेले स्पोर्ट, लाइट र कुन डिपार्टमेन्टका ११ जना सवार गाडी दुर्घटनामा परेको जानकारी दिए । सुटिङ युनिट चितवनको नारायणघाटतर्फ फिल्मको छायांकनको लागि जाँदै थियो । उनी भने नायक नायिका र निर्मातासँगै अर्को गाडीमा सवार थिए ।
दुर्घटनापछि हिजै गर्ने भनिएको फिल्मको छायांकन स्थगित भयो भने आज बिहानैदेखि सुचारु गरिएको घिमिरेले रातोपाटीलाई बताए । गाडी ब्रेक फेल भएर दुर्घटनामा परेको बताइएको छ ।
उनले राजधानी र चितवनसहितका विभिन्न स्थानमा फिल्म खिचिएको भन्दै आगामी एक साताभित्र छायांकनको सबै काम सकिने जानकारी दिए ।
फिल्ममा पुस्कर रेग्मी , महिमा सिलवाल, सरोज खनाल, उषा थापा, मोहन निरौला , शोभा भण्डारी , प्रविन विष्ट पवन खनाललगायतको अभिनय रहेको छ ।