चीन पठाउने भन्दै लाखौं ठगी गरेको अभियोगमा पक्राउ

काठमाडौं  ।  महानगरीय प्रहरी अपराध महाशाखाको प्रहरी टोलीले भिजिट भिषामा रोजगारीका लागि चीन पठाइदिने भन्दै लाखौ ठगी गर्ने एक युवालाई पक्राउपछि सार्वजनिक गरेको छ ।
प्रहरीले झापा शतासीधाम घर भइ हाल काठमाण्डौको वानेश्वर बस्ने गोपाल भन्ने ४३ बर्षीया सोमनाथ सिवाकोटीलाइ पक्राउ गरेको हो ।
जम्प टु जम्प कन्सल्टेन्सी समेत चलाउदै आएका सुवेदीले अछामका नवराज साउदलगायत तिनलाई चीनका विभिन्न शहरमा आकर्षक तलबसहितको रोजगारीमा लगाइदिने भन्दै प्रतिव्यक्ति चारदेखि ५ लाख नौ लाख आठ हजार असुलेका थिए । त्यस्तै भोजपुर दोभानेकाराजु भारती, मोरङका अर्जुन गिरी, धादिङका सन्तोष ढकालबाट १४ लाख ६० हजार असुलेको प्रहरीले जनाएको छ । त्यसैगरी सिवाकोटीले चीनमा अलपत्र परी नेपाल आउन चाहेका ३ जना नेपालीलाई टिकट खर्च लाग्ने भन्दै तिन लाख ५० हजार असुलेको भेटिएको छ । उनले भिजिट भिष लगाएर चिन पठाएकाहरुलाई त्याहा पुगेपछि वर्किङ भिष लगाइदिने प्रलोभन दिने गरेका थिए । पीडितका आफन्तहरुले महाशाखामा ठगिएको जानकारी गरेपछि ठगीमा संलगन सिवाकोटीलाई महाशाखाको टोलीले गत मंगलबार पक्राउ गरेको हो । सिवाकोटीले चलाइको कन्सल्टेन्सि समेत दर्ता नगरी चलाएको प्रहरीको अनुसन्धानबाट खुलेको छ ।