मतदाता नामावली संकलनका लागि टोली गाँऊ गाँऊ जाने

शिव राज खनाल , दाङ । जिल्ला निर्वाचन कार्यालय प्यूठानले जिल्लाका गाँऊ गाँऊमा पुगेर मतदाता नामावली संकलन गर्ने भएको छ । बुधवार खलंगामा सरोकारवालासँग अन्तरक्रिया कार्यक्रमको आयोजना गरी कार्यालयले यस्तो जानकारी गराएको हो । पुस १५ गतेदेखि ५ टोली गठन गरेर गाँउ जान लागिएको कार्यालयका प्रमुख नारायण प्रसाद भण्डारीले जानकारी दिनुभयो ।

नागरिकता बनाएका तर मतदाता नामावली दर्ता गर्न छुट भएकाहरुलाई मध्यनगर गरी गाँऊ पुगेरै नाम संकलन गर्न लागिएको हो । यस अवधिमा पहिले नाम दर्ता गराएको तर कुनै सूचना विग्रिएको भएमा सच्चाउन सकिनेछ । मताधिकारबाट कोहि कसैलाई पनि बञ्चित नगराउनका लागि यस अभियानलाई सवैले सहयोग गर्नुपर्ने प्रमुख जिल्ला अधिकारी जनकराज पन्तले बताउनुभयो ।