अन्तर्वस्तुमा सहमति नभए विधिमा सहमति गर्ने– पोखरेल

काठमाडौ । सभामुख ओन्सारी धर्तिमगरको अगुवाईमा आज बसेको राज्य व्यवस्था समितिसहितका सर्वदलीय बैठकले पुस २२ गतेपछि संसद खोल्ने सहमति गरेको छ ।

बैठकमा सहभागि माओवादी केन्द्रका नेता गिरीराजमणी पोखरेलका अनुसार सर्वोच्च अदालतले दिएको आदेशमा तीनखालको अर्थ लाग्ने आएको बताए ।

दलहरुको त्यसको बारेमा आआफ्नै तरिकाले विश्लेषण गरेको बताउँदै उनले पुस २२ पछि सहमति हुने विश्वास व्यक्त गरे । उनले भने, पुस २५ गते बस्ने बैठकअघि निर्वाचन सम्बन्धि विधेयकको टुगों लगाउने सहमति भएको छ ।’

सर्वोच्च अदालतको आदेशपछि एमाले सकारात्मक भएको उल्लेख गर्दै उनले शुरुमा दलहरुको बीचमा अन्तरवस्तुमा सहमति गर्ने नभए विधि र प्रकृयामा सहमति गरेर जाने सहमति भएको बताए ।

आजको बैठकमा संसदका सचेतक, प्रमुख सचेतक, दलका नेता तथा अन्य शीर्षस्थ नेताहरुको उपस्थिति थियो ।