प्रकाशित मिति : शुक्रबार, माघ ७, २०७३
अनुसन्धानमा जुटेका प्रहरी अधिकारीलाई उद्धृत गर्दै भारतीय संचारमाध्यमले जनाएअनुसार रेलको लिकमा क्षति पुर्याउनका लागि प्रेसर कुकर बम प्रयोग गरिएको थियो, जसका कारण रेल दुर्घटना हुँदा एक सय ५० जनाको मृत्यु भएको थियो ।
घटनाका आरोपी मोतीलाल पासवानले दिएको बयानका आधारमा प्रहरीले थप छानविन गरिरहेको बताइएको छ । घटनामा पासवानले अन्य ७ जनासँग मिलेर कानपुर नजिकै रेलको लिकमा दुई पटक क्षति पुर्याएको स्वीकार गरेको पनि जनाइएको छ ।
भारतीय संचारमाध्यमका अनुसार उक्त घटनाको योजनाकार ब्रजकिशोर गिरी रहेका छन् । गिरीलाई हत्या आरोपमा नेपालमा गिरफ्तार गरिएको पनि भारतीय संचारमाध्यमले जनाएका छन् । गिरी नेपाली नागरिक नै रहेको भारतीय संचारमाध्यमले खुलासा गरेका छन् ।
© copyright 2016-2019 and all right reserved to jaljalakhabar | Site By : sobij
