तस्करका कारण त्रिशुली नदि कुरुप बन्दै

निलो बग्ने त्रिशुली नदि केहि समययता धमिलो र रातो रङमा बग्न थालेको छ ।
काठमाण्डौ पोखरा जोड्ने पृथ्वी राजमार्गसँगै बहने सुन्दर त्रिशुली नदि अन्य कारणले नभई जथाभावी ढुङगा र बालुवा निकाल्दा धमिलो र रातो बग्न थालेको हो ।

नदि कुरुप बन्दै गैरहेकोे भन्दै स्थानियले चिन्ता ब्यक्त गरेका छन् ।
ब्यक्तिगत स्वार्थमा केही बालुवा तस्करहरुले रातको समयमा जिल्ला प्रशासन कार्यालयबाट अनुमती नै नलिई सयौं ट्रक गिटी बालुवा झिक्ने गरेपछि त्रिशुली धमिलिएको हो ।

पर्यावरणमा नै असर गर्ने यस कार्यमा स्थानिय राजनैतिक संगठनहरुको पनि संलग्नता रहेको बताईएको छ ।

‘राजनैतिक दलहरुले प्रकृतिलाई दोहन गरी भागबन्डा गरेर एकआपसमा बाँडीचुडी खाएकोले नै तस्करी रोक्न नसकिएको हो’ एक स्थानिय युवा भन्छन् ‘समयमा नै तस्करी रोक्न नसके त्रिशुलीको सुन्दराता हराउनुका साथै राज्यकोषमा जम्मा हुने राजश्व समेत हराउदै जानेछ ।’