प्रकाशित मिति : शुक्रबार, माघ २१, २०७३
काठमाडौ । मधेसी मोर्चासँग प्रधानमन्त्री पुष्पकमल दाहाल प्रचण्डले केहिबेरमा छलफल गर्दैछन् ।
छलफलका लागि प्रधानमन्त्री प्रचण्डले दिउँसो चार बजे मोर्चाका नेताहरुलाई बालुवाटार बोलाएका छन् । आजको छलफलमा संविधान संशोधन, स्थानीय तहको निर्वाचन लगायत विषयमा कुराकानी हुने प्रधानमन्त्री प्रचण्डको सचिवालयले जनाएको छ ।
बिहीबार बसेको मन्त्रिपरिषद् बैठकले आगामी जेठ १० गतेभित्र निर्वाचन गर्ने गरी तयारी थाल्न आयोगलाई पत्र पठाउने निर्णय गरेको थियो ।
मधेसी मोर्चाले भने संविधान संशोधन विधेयक टुंगो नलगाई सरकार निर्वाचन घोषणा गर्न अघि सरेर घोका दिएको आरोप लगाएको छ ।
मोर्चाले संविधान संशोधन विधेयक पारित नभएसम्म र स्थानीय तह पुर्नसंरचना आयोगको प्रतिवेदन परिमार्जन नगरेसम्म चुनावमा नजाने बताउँदै आएको छ ।
© copyright 2016-2019 and all right reserved to jaljalakhabar | Site By : sobij
