राष्ट्रपति महिला उत्थान कार्यक्रम सुरु

मोरङ । सरकारको आर्थिक वर्ष २०७३/७४ को नीति तथा कार्यक्रममा समावेश राष्ट्रपति महिला उत्थान कार्यक्रम मोरङमा सुरु भएको छ ।

कार्यक्रममा अनौपचारिक श्रममा संलग्न महिलालाई तीन महिने सिलाइकटाइ र ब्यूटिपार्लर तालिम दिइने भएको छ । राष्ट्रपति महिला उत्थान कार्यक्रम पाँचवर्षे अवधारणका साथ सुुरु भएको महिला तथा बालबालिका कार्यालयकी प्रमुख महिला विकास अधिकृत दुर्गा भण्डारी बरालले बताइन् ।

महिला सशक्तिकरणका लागि सुरु भएको सीपमूलक तालिमलाई व्यवहारमा उतार्न सके सरकारको नीति सफल हुने प्रमुख जिल्ला अधिकारी यज्ञराज कोइरालाले बताए ।

तालिमपछि व्यवसायिक बन्नका लागि स्थानीय विकास अधिकारी शोभाखर रेग्मीले आग्रह गरे । साविकका ५० वटा गाविसबाट सहभागी महिलालाई मनमोहन स्मृति पोलिटेक्निक र शैलजा आचार्य स्मृति पोलिटेक्निकमा सिलाइकटाइ र ब्यूटिपार्लरको तालिम दिइने भएको छ ।