रौतहटमा कक्षा १२ को परीक्षा अमर्यादित

रौतहट ।  रौतहटमा सञ्चालन भईरहेको कक्षा १२ को परीक्षा अमर्यादित तरिकाले भईरहेको पाइएको छ ।
गत बैशाख १० बाट सुरु भएको परीक्षामा जिल्ला सदरमुकाम गौर,गरुडा चन्द्रनिगाहपुर,लगायतका केन्द्रमध्ये भन्दाबढि जिंगडियास्थित प्रहरी बिद्यालयमा अमर्यादित भएको बताइएको छ ।
प्रहरी बिद्यालयमा सुरक्षा प्रमुख बिद्यालयकै हुनेगरेकाले सर्व साधारण प्रवेश न पाउने हुँदा परिक्षामा भित्र भित्रै चिटको अलावा कालोपाटीमा समेत उत्तर लेख्ने गरेको परीक्षा बोर्डकै कर्मचारीहरुले बताएका छन् ।
बोर्ड प्रमुख यमबहादुर खडकाको नेतृत्वमा खटिएको टोलीले बिभिन्न केन्द्रहरुमा चेकजाँचको क्रममा चिट चोरीरहेको अवस्थामा पक्राउ करीव एकसय जना परिक्षार्थीलाई निष्काशन गरेको छ ।
किन हुन्छ परीक्षा अमर्यादित ?
परीक्षा केन्द्रमा संबधित बिद्यालयको निरीक्षक गार्ड खटाईनु ।
स्थानीय बिद्यालयको केन्द्राध्यक्ष खटाईनु ।
कतिपय शिक्षकले पास गराउने ठेक्का लिनु ।
संबन्धित निकाय बाट नियमित अनुगमनको अभाव ।
केन्द्रहरुमा सुरक्षार्थ खटिएका जनपद तथा सशस्त्र प्रहरी आर्थिक प्रभाव,अथवा राजनितिक दवाबमा मुकदर्शक हुनु ।
लगायतका कारणले दशकौं देखी बिग्रिएको रौतहटको प्ररिक्षा प्रणालीमा हालसम्म सुधार हुनसकेको छैन ।
शिक्षा स्रोतका अनुसार बढी चिटचोरीने केन्द्रहरुमा जनज्योती मावीचन्द्रनिगाहपुर,
मावी गरुडा,मावी कटहरीया,जयकिशान मावी धरहरी परिक्षा केन्द्र रहेको छ ।
त्यसैगरी बाहिरिया बिद्यार्थीको बढी चाप हुने केन्द्रहरुमा कटहरीया,धरहरी,गरुडा र चन्द्रनिगाहपुर रहेको स्रोतले जनाएको छ ।
के भन्छन् जिल्ला शिक्षा अधिकारी ?
जिल्ला शिक्षा अधिकारी रामबिनय कुमार सिंहले पनि कक्षा १२ को परिक्षा मर्यादित हुन नसकेको स्वीकारेका छन । सिंहले यस पटक बजेटको अभाव रहेकाले पुर्णरुपमा अनुगमन हुन नसकेको बताए ।