प्रकाशित मिति : सोमवार, जेष्ठ २९, २०७४
सतिश सिंह , रौतहट । राष्ट्रिय जनता पार्टि नेपालका नेता तथा कार्यकर्ताहरुले आज रौतहटमा मसाल जुलुस प्रदर्शन गरेका छन् । मधेशका माग सम्बोधन नगरी सरकारले घोषणा गरेको दोश्रो चरणको स्थानिय तहको चुनावको विरुद्ध राजपा नेपालले आज रौतहटमा मसाल जुलुस प्रदर्शन गरेका छन् ।
राजपा नेपालका शिर्ष नेताहरुले दोश्रो चरणमा हुने स्थानिय तहको चुनावलाई लक्षित गरी घोषणा गरेको आन्दोलनका कार्यक्रम अनुसार मधेशका सबै जिल्ला लगयत रौतहटमा पनि मसाल जुलुस प्रदर्शन गरीएको राजपा नेपालका स्थानिय नेताहरुले बताएका छन् ।
सरकार विरुद्ध विभिन्न किसीमका नाराबाजि गर्दै राजपा नेपालका नेता तथा कार्यकर्ताहरुले आज सदरमुकाम गौर, बंकुल, गरुडा, समनपुर, कटहरिया लगायतका जिल्लाका प्रमुख बजारहरुमा प्रदर्शन गरेका छन् ।
प्रदर्शन गरीएको मसाल जुलुसमा उपेन्द्र यादव नेतृत्वको पार्टि बाहेक राजपा नेपालमा सहभागि सबै दलका नेता तथा कार्यकर्ताहरु रहेका छन् । राजपा नेपालले प्रदर्शन गरेको मसाल जुलुसको क्रममा भोलिदेखी गरीने मधेश, थरुहट र लिम्बुवान बन्दलाई सफल बनाउन मैकिंग समेत गरेका छन् ।
© copyright 2016-2019 and all right reserved to jaljalakhabar | Site By : sobij
