महोत्तरीमा कांग्रेसले टुंग्यायो उम्मेदवार, को को भए?

नेपाली कांग्रेस महोत्तरीले तेस्रो चरणको स्थानीय तहको निर्वाचनका लागि प्रमुख र उपप्रमुखका उम्मेद्वारको टुंगो लगाएको छ।

नेपाली कांग्रेस महोत्तरीका सभापति महेन्द्र कुमार रायका अनुसार बर्दिबास नगरपालिकाको प्रमुखमा प्रल्हाद क्षेत्री र उपप्रमुखमा तारादेवी महतो, गौशाला नगरपालिकाको प्रमुख मनुप्रसाद अधिकारी र उपप्रमुखमा सुशिला देवी महतो, जलेश्वर नगरपालिकाको प्रमुखमा अशोक कुमार साह र उपप्रमुखमा अनिता देवी शर्मालाई उम्मेदवार बनाएको छ।

त्यस्तै मटिहानी नगरपालिकाको प्रमुखमा जयकुमार चौधरी र उपप्रमुखमा जुमैदा खातुन, मनरासिस्वा नगरपालिकाको प्रमुखमा किशोर कुमार सिंह प्रितम र उपप्रमुखमा आशादेवी सिंह, रामगोपालपुर नगरपालिकाको प्रमुखमा राजाराम यादव र उपप्रमुखमा पुष्पादेवी महतो लाई उम्मेदवार बनाएको छ ।

त्यस्तै पिपरा गाउँपालिकाको अध्यक्षमा राधारमण मिश्र र उपाध्यक्षमा रामरति देवी यादव, महोत्तरी गाउँपालिकाको अध्यक्षमा सुशील झा र उपाध्यक्षमा श्यामादेवी पासवान, सोनमा गाउँपालिकाको अध्यक्षमा नवलकिशोर यादव, सम्सी गाउँपालिकाको अध्यक्षमा शेष रकिव, एकडारा गाउँपालिकाको अध्यक्षमा मनोज झा र उपाध्यक्षमा जानकी देवी महतो र औरही नगरपालिकाको प्रमुखमा सुनिल कुमार यादवलाई लाई उम्मेदवार बनाएको सभापति यादवले बताए।

सोनमा, सम्सी गाउँपालिकाको उपाध्यक्ष र औरही नगरपालिकाको उपप्रमुखको चयन सोमबार बिहान पार्टी केन्द्रीय कार्यालयको बैठकले निर्णय गर्ने उनले बताए ।

त्यस्तै बलवा, भंगहा र लोहारपट्टी नगरपालिकाको प्रमुख एवं उपप्रमुखमा विवाद देखिएकाले पार्टी केन्द्रिय कार्यालयले नै निर्णय गर्ने बताए । सभापति यादवले नगरबाट मेयर र उपमेयर पदमा उम्मेदवार बनेकाहरुलाई जिताउन सबै कार्याकर्ताहरु एक जुट भएर लाग्नु पर्ने बताए।