स्याङ्जा–१ प्रदेशसभा ‘ख’मा एमालेका गुरुङ विजयी

स्याङ्जा, मंसिर २६ । स्याङ्जा प्रतिनिधिसभा क्षेत्र नम्बर–१ प्रदेशसभा ‘ख’मा वाम गठबन्धनका मीनप्रसाद गुरुङ विजयी भएका छन् ।

नेकपा एमाले जिल्ला अध्यक्ष गुरुङ निकटतम् प्रतिद्वन्द्वी नेपाली कांग्रेसका तुलसी गिरीलाई पाँच हजार पाँच हजार ७३८ मतले पराजित गरी विजयी भएका हुन् ।

गुरुङले २० हजार २४८ र उनका निकटतम् प्रतिद्वन्द्वी कांगे्रसका गिरीले १४ हजार ५१० मत प्राप्त गरेका हुन् । यस प्रदेशमा कुल खसेको मतमा ८०८ मत बदर भएको थियो ।

यसअघि स्याङ्जा–१ प्रदेशसभा ‘क’मा पनि वाम गठबन्धनका दीपक चर्ती मगर विजयी भइसकेका छन् ।

स्याङ्जामा जारी पछिल्लो मतगणनानुसार प्रतिनिधिसभाका दुवै स्थान र बाँकी दुई प्रदेशसभामा वाम गठबन्धनका उम्मेदवारले अग्रता लिएका छन् । रासस