राष्ट्र बैंकका अनुसन्धान विभाग प्रमुख नरबहादुर थापाका अनुसार ३७ कम्पनीमात्र उत्पादनमुलक छन् भने बाँकी सबै सेवा, व्यापारमा छन्। त्यसमा ११ फार्मले निर्यात गर्छन्।
निर्यात गर्ने कम्पनीमा ३ वटा उपभोग्य वस्तुको उत्पादन र ८ वटाले औद्योगिक वस्तु उत्पादन गर्ने गरेको थापाले जानकारी दिए।
नेपाल आर्थिक पत्रकार समाज(सेजन)ले आयोजना गरेको कार्यक्रममा बोल्दै थापाले कूल बैदेशिक लगानीको एक तिहाई रकममात्र चुक्त पुँजी बाँकी रिजर्भ भएको बताए।
त्यस्तो लगानीको .रिजर्भ रकम नेपालमै लगानी हुन्छ वा फेरि विदेश जान्छ भन्ने कुराको कु्नै ग्यारेन्टी नभएको उनले प्रष्ट पारे।
व्यापार तथा लगानीको क्षेत्रमा गर्नुपर्ने नीतिगत सुधारको बारेमा आयोजित उक्त अन्तरक्रिया कार्यक्रममा बोल्ने अधिकांसले नीतिगत परिवर्तनको आवस्यकता भएको औल्याए।
भारतसँगको स्थिर सटही दर, सरकारको प्राथमिकता, सहुलियत, प्रशासनिक सेवा, प्रतिस्पर्धा तथा उत्पादकत्व बृद्धिमा सरकार, निजी तथा सार्वजनिक क्षेत्रबाट एकसाथ पहल हुनुपर्ने सहभागीले धारणा राखेका थिए।
