प्रकाशित मिति : बुधबार, फाल्गुन २, २०७४
संगम पथमा रहेको युनाइटेड प्लास्टिक ईन्डस्ट्रिजको शुभ गौतम ईन्टरप्राईजेजमा लागेको आगो बिहानमात्र नियन्त्रणमा आएको छ ।
गएराति ९ बजेतिर शुरु भएको आगलागी दमकलको सहयोगमा नियन्त्रणमा लिइएको हो । बुटवल उपमहानगरपालिकाको एकमात्र दमकलले आगो निभाउन नसकेपछि सिद्धार्थनगर, रामग्राम, नवलपरासी, कपिलवस्तु र बाणगंगा नगरपालिकाबाट आएका दमकल र स्थानीयले आगो नियन्त्रणमा लिएका हुन् ।
आगलागीबाट २ करोड रुपैयाँ बराबरको क्षति भएको सञ्चालक जीवन गौतमले जानकारी दिए ।
गोदाम रहेको घरका धेरै सामानसमेत नष्ट भएको छ ।
यसैबीच बुटवल उपमहानगरपालिकाका प्रमुख शिव सुवेदीले आज आगलागी भएको स्थलको निरीक्षण गरेका छन् ।
© copyright 2016-2019 and all right reserved to jaljalakhabar | Site By : sobij
