प्रकाशित मिति : मङ्लबार, चैत्र १३, २०७४
कारोबार सुरु भएदेखि निरन्तर ओरालो लागेर एक घन्टा नहुँदै नेप्से ३ प्रतिशत घटेसँगै नेप्सेले १५ मिनेट ‘सर्किट ब्रेक’ नै लगायो ।
त्यसयता उतार–चढाव हुँदै नेप्से ५२ अंक बराबरले झरेर ११ सय ६८ मा आएर थामियो ।
कारोबार भएका सबै समूहमा गिरावट आउँदा बैंकिङ समूहमा सबैभन्दा उच्च ३८३ अंकको गिरावट आयो । होटल समूह ८१ अंकले झर्यो ।
लघुवित्त समूहमा पनि ७५ अंकको गिरावट आयो । जलविद्युत् समूह ६९ अंक र उत्पादनमूलक समूहमा पनि ६० अंकको कमी आयो । विकास बैंक समूह ५१ अनि वाणिज्य बैंक समूहमा ४१ अंकको गिरावट आयो ।
अन्य समूह पनि दोहोरो अंकले ओरालो लाग्दा वित्त समूहमात्र सामान्य अंकले ऋणात्मक रह्यो ।
यसदिन कारोबार परिमाण भने औसत दिनका तुलनामा सामान्य उच्च रह्यो । यसदिन नेपाल स्टक एक्सचेन्जमा १५७ कम्पनीका १५ लाख ६८ हजार कित्ता सेयर ४८ करोड रुपैयाँ बराबरमा किनबेच भएको एक्सचेन्जले जनाएको छ ।
© copyright 2016-2019 and all right reserved to jaljalakhabar | Site By : sobij
