बाँझो जमिनलाई खेतीयोग्य बनाउनेतर्फ उत्प्रेरित अध्यक्ष वली

प्रकाशित मिति : बुधबार, बैशाख ५, २०७५

निलम ओली , दाङ । पिम लाल वली शान्तिनगर वडा नम्बर ७ का वडाध्यक्ष हुनुहुन्छ । यो गाउँपालिकामा निर्वाचित हुनुभन्दा पहिले नै आफ्नो गाउँमा १५ बिगाहा जमिन भाडामा लिएर कृषिको लागि थालनी गर्नुभएको उहाँले बताउनुभयो । बिगत ३/४बर्ष देखि उहाँको कृषिको सोचले यो गरेको बताउनुभयो । करिब एक करोडको लगानीमा यो खेती गर्न थालेको र त्यो जमिनमा कालो धान खेतीबाट मनग्गे आम्दानी भएको उहाँको भनाइ छ । कालो धानको चामलको भात विभिन्न रोगीले खान मिल्ने चिकित्सकले बताएको उहाँले बताउनुभयो । हाई ब्लड प्रेसर, सुगर,कब्जीयत,मुटुको रोगीलाई अति उत्तम हुने उहाँले बताउनुभयो । साँढे सात बिगाहामा कार्नल आलु खेती गर्दा २५० क्विन्टल फलेको बताउदै वलीले आलूको खेतीले बजारमा भाउ पाउने र शारीरिक रूपमा पनि आमनागरिकलाई स्वस्थ राख्न मद्दत मिल्ने उहाँको भनाइ छ । उहाँको उद्देश्य आफ्नो वडामा रहेकोे जमिनमा पुरै खेतीयोग्य बनोस, जमीन बाझो कहिपनी देख्न नपरोस् भन्ने हो ।

पछिल्लो चरणमा समाजमा बरालियर हिड्ने युवाहरूको लागि वडाध्यक्षले नै यसरी खेतीपातिमा लाग्दा प्रेरणा हुने ,यस्तो स्वर्ग जस्तो उर्बर भुमिका युबाहरु मरुभूमिमा नजाउन भन्ने उदेश्यले आफ्नो बि बि ए पास गरेको छोरालाई पढाईले मात्रै हुदैन प्राईभेट पढ्ने अनि ब्यबहारिक शिक्षाका लागी खेतीमा लगाएको उहाँको भनाई छ । उहाँका एम बि ए पढ्ने छोरा दुर्योधन वलीसमेतले बुबाको निर्णयले आफुलाई उत्साह जागेको र खेतीबाट नै समाजमा परिवर्तन गर्न सकिनेछ भन्नूहुन्छ । उहाँले कृषिप्रधान देश नेपालको जमिनमुनि सुन भएको प्रमाणित गर्न खोज्नु भएको छ ।

निर्वाचनपछी निर्बाचित वलीले आफ्नो वडामा स्थानीय बुद्धिजीवी र अग्रजहरुलाई जम्मा गरेर सोही भेलाबाट १ करोडको लगानीमा आफ्नो वडाको जुम्लेकुलाबाट खैरेनी हुँदै सिम्ठाना जाने काम शुरुआत भएको छ । दुबिचौर बुढाडाबर कुलोमा कल्भर्ट निर्माणकार्य हुँदै, बुढाडाबर गन्जिरा र कपासे डाँडामा ५/५ लाखका तीन वटा बाटाहरु निर्माणकार्य हुदै, हिलेखानी कुलोको लागी ९ लाख काम हुदै र दुबिचौर बाट गिद्दिन्ने जाने बाटोको लागि १५ लाख छुट्याइएको काम हुने क्रममा रहेकोे उहाँको भनाई छ ।

सिचाइ तर्फको हिलेखानी सिचाइ योजनामा ३० लाख, आफ्नो वडामा रहेका २ वटा माध्यमिक विद्यालयमा एउटामा कृषि क्याम्पस र अर्कोमा भेटनरी क्याम्पस खोलेर प्राबिधिक तयार गरि ब्यबहारिक मा लाग्न समाजलाई प्रेरणा मिलोस भन्ने आफ्नो ईच्छा भएको उहाँको भनाइ छ ।

आफ्नो वडामा खानेपानीको ठुलो समस्या भएकोले छिट्टै यस्को तयारी गरिने , सरकारी बिद्यालयमा पढाउने शिक्षकको कमजोरी पत्ता लगाई समस्याको समाधान गर्ने , ३५ जना शिक्षकलाई राजधानी काठमाडौबाट, ३ जना प्रशिक्षक ल्याई मण्टेश्वरी कक्षाको तालीम दिईदै ।