‘सरकारी अस्पताल नै बेथितिको कारण’

स्याङ्जा, वैशाख १२ । स्वास्थ्य तथा जनसंख्या राज्यमन्त्री पद्मा अर्यालले सरकारी अस्पताल नै बेथितिको कारण रहेको बताएकी छन् ।

स्याङ्जाको भीरकोट नगरपालिकाभित्र रहेका सरकारी स्वास्थ्यचौकी, सामुदायिक अस्पतालहरुको बुधबार अनुगमनकाक्रममा राज्यमन्त्री अर्यालले सरकारी अस्पतालबाट प्रभावकारी सेवा प्रवाह नहुँदा जनता महँगो रकम खर्च गर्नुपर्ने बाध्यतामा रहेको बताइन् ।

सरकारका सेवा प्रवाहित संस्था कमजोर बनाउन चिकित्सकको लापरबाही देखिएको राज्यमन्त्री अर्यालको भनाइ थियो ।

उनले चिकित्सकलाई एकभन्दा बढी स्वास्थ्य संस्थामा काम गर्न नपाइने व्यवस्था लागू गर्न आफू लागिपरेको दावी गरिन् ।