प्रकाशित मिति : बुधबार, जेष्ठ १६, २०७५
काठमाडौं, जेठ १६ । सरकारले ल्याएको आगामी आर्थिक वर्षको बजेटबारे धारणा तय गर्न प्रमुख प्रतिपक्षी दल नेपाली कांग्रेस संसदीय दलको बैठक आज बस्दै छ ।
संसदीय दलको कार्यालय सिंहदरबारमा ११ बजेपछि बस्ने बैठकले सरकारले ल्याएको बजेटबारे पार्टीको आधिकारिक धारणा तय गर्ने बताइएको छ ।
सरकारले हिजो १३ खर्ब १५ अर्बको संघीय बजेट सार्वजनिक गरेको थियो । बजेटबारे मिश्रित प्रतिक्रिया आइरहेका बेला कांग्रेसले आफ्नो धारणा तय गर्न लागेको हो ।
यसअघि सरकारले प्रस्तुत गरेको नीति तथा कार्यक्रममा भने कांग्रेसले मौन समर्थन जनाएको थियो ।
संसदीय दलको बैठकमा बजेटबाहेकका अन्य समसामयिक विषयमा समेत छलफल हुने बताइएको छ ।
© copyright 2016-2019 and all right reserved to jaljalakhabar | Site By : sobij
