प्रकाशित मिति : शुक्रबार, भदौ १, २०७५
काठमाडौं, साउन ३१ । साताको अन्तिम दिन बिहीबार सेयरबजार सामान्य सकारात्मक रह्यो ।
अघिल्लो दिन उच्चदरले उकालो लागेको बजार यसदिन मात्र हरियो रहेको हो ।
उतार–चढावबीच बजार परिसूचक नेप्से आधा अंक बढीले सकारात्मक रहेर १२ सय १० कायम भएर थामियो । कारोबार परिमाणमा भने सुधार आयो ।
यसदिन वाणिज्य बैंक र उत्पादनमूलक समूहबाहेक अरु कारोबार भएका सबै समूहमा गिरावट आयो ।
उत्पादनमूलक समूह सबैभन्दा उच्च ७७ अंकले बढ्यो भने वाणिज्य बैंक समूहमा पनि ४ अंकको सुधार आयो ।
यसदिन १६६ कम्पनीका १३ लाख ७५ हजार कित्ता सेयर ४५ करोड ९६ लाख रुपैयाँ बराबरमा खरिद–बिक्री भएको नेपाल स्टक एक्सचेन्जले जनाएको छ ।
© copyright 2016-2019 and all right reserved to jaljalakhabar | Site By : sobij
