प्रकाशित मिति : सोमवार, भदौ ४, २०७५
काठमाडौं, भदौ ४ । राष्ट्रियसभाले ‘अपराध पीडित संरक्षण विधेयक, २०७५’ लाई सर्वसम्मतले स्वीकृत गरेको छ ।
राष्ट्रियसभाको सोमबार बसेको बैठकमा कानुन, न्याय तथा संसदीय मामिलामन्त्री भानुभक्त ढकालले पेस गरेको विधेयक सर्वसम्मतिले पारित भएको हो ।
बैठकमा राष्ट्रियसभाका सचिव राजेन्द्र फुयाँलले प्रतिनिधिसभाबाट सन्देशसहित प्राप्त ‘सार्वजनिक सुरक्षा (पहिलो संशोधन) विधेयक, २०७५’ टेबल गरेका थिए ।
बैठकमा सांसदहरूले बाढी–पहिरो, बाली लगाउने समयमा रासायनिक मलको अभाव तथा व्यापार घाटाले मुलुकको आर्थिक अवस्थामा नकारात्मक प्रभाव परेको भन्दै सरकारको ध्यानाकर्षण गराएका थिए ।
© copyright 2016-2019 and all right reserved to jaljalakhabar | Site By : sobij
